Հայոց ցեղասպանության 101-րդ տարելիցին նվիրված միջոցառումներ Իրաքում

24 ապրիլի, 2016

Ապրիլի 24-ին Իրաքում տեղի ունեցան Հայոց ցեղասպանության 101-րդ տարելիցի ոգեկոչման արարողություններ:

Մայրաքաղաք Բաղդադի առաջնորդանիստ Սուրբ Գրիգոր Լուսավորիչ մայր տաճարում մատուցվեց Հայոց ցեղասպանության սրբադասված նահատակների բարեխոսության կարգը: Այնուհետ եկեղեցում տեղի ունեցավ հայկական մշակութային միությունների կողմից կազմակերպված հիշատակի միջոցառում, որի ժամանակ հնչեցին հայ դասականների ստեղծագորություններ և հոգևոր շարականներ:

Միջոցառման ավարտին Բաղդադի առաջնորդանիստ Սուրբ Գրիգոր Լուսավորիչ եկեղեցու բակում Ցեղասպանության 100-րդ տարելիցի կապակցությամբ տեղադրված և հայ ժողովրդի պահանջատիրությունը խորհրդանշող հուշարձանին զետեղվեցին ծաղկեպսակներ:

Միջոցառմանը ներկա էր ՀՀ դեսպանության անձնակազմը, համայնքային կառույցների ու մշակութային միությունների ներկայացուցիչներ, ինչպես նաև հայ համայնքի բազմաթիվ անդամներ:

Հայոց ցեղասպանության 101-րդ տարելիցին նվիրված արարողություն և մոմավառություն տեղի ունեցավ նաև Իրաքի հայաշատ Բասրա, Զախո և Էրբիլ քաղաքներում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր