Հայաստանի դեսպանի հանդիպումը Իրաքի վարչապետի գլխավոր խորհրդականի հետ

21 մայիսի, 2017

Դեսպան Կ.Գրիգորյանը մայիսի 21–ին հանդիպում ունեցավ Իրաքի Վարչապետի քաղաքական հարցերով գլխավոր խորհրդական Գորգիս Յակուբ Բաքոսի հետ։

Հանդիպմանը զրուցակիցները քննարկեցին երկու երկրների միջև համագործակցության առավել խորացման նպատակով ձեռնարկվող համատեղ քայլերը։ Այս առումով կարևորվեցին փոխադարձ բարձրաստիճան այցելությունների կազմակերպումը, միջկառավական հանձնաժողովի արդյունավետ աշխատանքը, ԱԳՆ-երի միջև պարբերական խորհրդատվությունների անցկացումը, միջազգային կազմակերպությունների շրջանակներում փոխգործակցության սերտացումը։

Երկուստեք գոհունակությամբ նշվեց, որ տարեցտարի խորանում են գործարար կապերը, ընդլայնվում է առևտրաշրջանառությունը, որն արդեն կազմում է շուրջ 130 մլն ԱՄՆ դոլար։

Հանդիպման ընթացքում անդրադարձ կատարվեց նաև երկրում կայունության հաստատման, ահաբեկչության դեմ մղվող պայքարին, զրուցակիցները մտքեր փոխանակեցին միջազգային և տարածաշրջային մի շատ հրատապ խնդիրների շուրջ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր