ՀՀ դեսպան Կարեն Գրիգորյանի հանդիպումը Իրաքի էներգետիկայի նախարար Ահմեդ ալՋուբուրիի հետ

15 հունիսի, 2017

Հունիսի 15-ին Իրաքում ՀՀ դեսպան Կարեն Գրիգորյանը հանդիպում է ունեցել Իրաքի էներգետիկայի նախարար Ահմեդ ալՋուբուրիի հետ։

Հանդիպմանը ընքացքում քննարկվել է էներգետիկայի ոլորտում երկկողմ համագործակցության զարգացման հնարավորությունները։ ՀՀ դեսպանը հայտնել է, որ Հայաստանի էլեկտրաէներգիայի արտադրությունը գերազանցում է ներքին պահանջարկը և այն արտահանվում է հարևան երկրներ։ Շինարարության փուլում է գտնվում Իրանի հետ ևս մեկ բարձրավոլտ գծի կառուցման աշխատանքների, որի ավարտը նախատեսվում է մոտ ամիսներին։ Հայաստանը նաև ենթադրվում է, որ կարող է հանդիսանալ տարանցիկ ուղի Ռուսաստանից դեպի Իրան էլեկտրաէներգիայի փոխադրման համար և քանի որ Իրաքի և Իրանի ցանցերը միացված են միմյանց, ապա բավականին իրականանալի է համարվում այս ոլորտում համագործակցության հնարավորությունը։

Նախարարը նշել է, որ ձմեռային շրջանում Իրաքի էլեկտարէներգիայի արտադրական հզորությունները գերազանցում են ներքին սպառման պահանջարկը, սակայն ցանցի մաշվածության և հսկայական չափերի հասնող կորուստների պատճառով բարդություն կա այն սպառողներին հասցնելու համար։ Իրաքում ընթանում է ներքին ցանցի սեփականաշնորհման գործընթաց և մասնավոր ընկերությունները հետաքրքրված են արտասահմանյան գործընկերներ փնտրելով։ Մասնավոր հատվածում իրաքյան գործընկերներ գտնելու նպատակով նախարարն առաջարկել է ներկայացնել ոլորտում աշխատող և Իրաքի հետ համագործակցությամբ շահագրգռված հայկական ընկերությունների մասին տեղեկատվություն ներկայացնելով դրանց արտադրանքն ու գործունեության ոլորտները։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր