Տեղի է ունեցել Իրաքի հետ կրկնակի հարկումը բացառող համաձայնագրի նախաստորագրումը

22 փետրվարի, 2018

Փետրվարի 19-23–ը Հայաստանի և Իրաքի կառավարությունների միջև եկամուտների և գույքի կրկնակի հարկումը բացառելու և հարկումից խուսափելը կանխելու վերաբերյալ համաձայնագրի շուրջ քննարկումներ իրականացնելու համար Երևան է այցելել Իրաքի Ֆինանսների նախարարության Հարկային ծառայության գլխավոր տնօրենի գլխավորած պատվիրակությունը, որին ընդունել է ՀՀ ֆինանսների նախարար Վարդան Արամյանը:

Կրկնակի հարկման համաձայնագրի ստորագրման համար հիմք է հանդիսացել Իրաքի հետ առևտրաշրջանառության տեսակարար կշռի ավելացումը, որը կազմել է 2.7%: Ըստ ֆինանսների նախարարի տեղակալ Դավիթ Անանյանի՝ այն բավականին մեծ ցուցանիշ է, և նախատեսվում է կրկնակի հարկումը բացառող համաձայնագրի շուրջ բանակցությունների ժամանակ առաջնորդվել այս հանգամանքով: Միևնույն ժամանակ, Իրաքն այն բացառիկ երկրներից է, որի դեպքում ներմուծում-արտահանում հաշվեկշռի տեսանկյունից արտահանման ծավալները գերազանցում են ներմուծումներին։ Համաձայնագրի ստորագրումը երկու երկրներին էլ գործարար կապերի առումով ավելի հավասարակշռված հարկային դաշտ է խոստանում:

Մի քանի օր տևած ակտիվ բանակցությունների արդյունքում փետրվարի 22-ին տեղի է ունեցել «Հայաստանի Հանրապետության և Իրաքի Հանրապետության միջև եկամուտների և գույքի կրկնակի հարկումը բացառելու և հարկումից խուսափելը կանխելու մասին» համաձայնագրի նախաստորագրումը: Հայկական և իրաքյան կողմերը հայտնել են իրենց պատրաստակամությունը քայլեր ձեռնարկել համաձայնագրի ստորագրման գործընթացը հնարավորինս արագ կազմակերպելու ուղղությամբ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր