Ամանորյա միջոցառում իրաքահայ փոքրիկների համար

30 դեկտեմբերի, 2018

Ս.թ. դեկտեմբերի 30-ին Իրաքում ՀՀ դեսպանությունում տեղի ունեցավ Ամանորին և Սբ. Ծննդին նվիրված ընդունելություն, ինչի կապակցությամբ հայտնի հետպատերազմական գործողություններից հետո առաջին անգամ դեսպանությունում հյուրընկալվել էին Բաղդադի հայ համայնքի` տարբեր կրթահամալիրներ հաճախող 4-10 տարեկան թվով 60 երեխաներ, ինչպես նաև նրանց ուղեկցող ուսուցչուհիներ։ Ամանորյա միջոցառման ընթացքում երեխաները հանդես եկան տոնական երգուպարով, արտասանությամբ, ինչի ընթացքում Ձմեռ Պապը երեխաներին հանձնեց նվերներ։ Իրաքում ՀՀ դեսպան Հրաչյա Փոլադյանը, ներկաներին ուղղված իր խոսքում` ընդգծեց նման միջոցառումների անցկացման կարևորությունը, ինչպես նաև վերջիններիս միջոցով Մայր Հայրենիքի հետ կապի ամրապնդման հնարավորությունը։ Միջոցառմանը ներկա էին Բաղդադի Սբ. Գր. Լուսավորիչ եկեղեցու հոգևոր հովիվ Տ. Գաբրիել վարդապետ Սարգսյանը, ինչպես նաև՝ Իրաքի Հայ ազգային կենտրոնական վարչության անդամներ, հայ համայնքի ներկայացուցիչներ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր